《物記-037-唧牙膏夾》

好耐之前用過一隻牙膏，覺得好好用，但之後有一排買唔返，就用返其他嘅。最近去泰國比我見返佢，即刻入手，嗰晚即刻用，發現同之前一樣咁好用，好似仲好用咗⋯真係有刷乾淨，同刷完唔會成個口有啲化學同香精味(?) 返到香港好快就用完，後悔無買多幾支，不過其實香港有啲地方都有得買，只係比較貴⋯其實我想講嘅係⋯難得遇到好用嘅嘢，真係會想用到一滴都無，所以，為咗支牙膏，搵咗個唧牙膏夾返嚟，終於，可以唧到盡，用到盡，唧埋最後一滴，方便又減少浪費，又好治癒（最後總共唧多咗8次，即係刷多咗8次牙）加上好奇心，第二支牙膏都係咁用，最後仲剪開睇吓，最頂得返少少少少，牙膏身入面最底都係得返少少少少，覺得整體都唧得好乾淨，好滿意！

2025年6月22